446
REGISTRES DU BUREAU
[i564]
Ced. j»ur, est aussy venu au Bureau Nicolas Fleury, portier de la porte S1 Denis, lequel a de­clairé que, le jour d'hier matin, allant ouvrir la harse de la porte S' Denis, il a trouvé icelle harse rompue, et luy a esté lors dict que ce avoit esté au-
cuns menuisiers qui revenoient de La Saulsoye, ac­tendu laquelle declaration, a esté ordonné qu'il sera expedié ordonnance au menuisier de lad. Ville pour icelle harse refaire.
DCXLVJI. — Lettres de la Royne.
3i juillet 1564. (H 1784, fol. 253 v°.)
Le dernier jour de Juillet vc lxnu, environ neuf heures du matin, ont esté apportées lectres de la Royne par Brusquet'1', dont ia teneur ensuict :
tt Mess", j'ay sceu par vostre lectredu xvne de ce mois comme vous avez franchement et de bonne volunté satisfaict à ce que vous avoit esté ordonné par mon cousin le mareschal de Montmorency touchant les armes qui estoient dedans vostre maison de Ville, et icelles faict porter ou envoier au chasteau de la Bastille, louant en cela et toutes aultres choses qui concernent le bien public et le service du Roy monsr mon filz vostre singuliere et fervente demonstration de l'obeissance que vous luy debvez, que j'ay assez de tout temps congneue, dont aussi avons-nous le
parfaict contentement ct satisfaclion que l'on scau­roit avoir cies plus chers subjectz de son royaulme, comme il vous fera tousjours congnoistre et sentir en tous les biens, faveurs et avantages dont vous avez besoing, et de ma part vous me aurez en tout ét partout pour la plus favorable où l'occasion et le moyen s'en offrira, ayant le Roy mond, filz mandé aud. mareschal donner ordre dc faire faire le pris desd, armes, affin de les faire payer, ainsi qu'il fut faict des precedentes, et que ceulx ausquelz elles ap­partiennent n'y ayent aucun dommage; priant Dieu, Mess™, vous avoir en sa garde. Escript à Roussillon, le xxvie jour de Juillet 1564 f2'.n
Signé : CATHERINE. Et au dessoubz : de L'Aubespine.
DCXLVIIJ. — [Ordre de faire deux tappeculz à la porte St Honoré
ET À LA PORTE ST DENIS, ET D'ENVOYER LES VALIDES À LA PORTE DE MONTMARTRE POUR PORTER LE SABLE.]
1" août 1564. (Z"' 63, fol. 58 v°.)
Du mardi, premier jour d'Aoust mil v° lxiiii.
A esté ordonné qu'il sera faict deux tappeculz, assavoir, ung à la porte S* Honoré, et l'autre à la porte S' Denis, et ce, le plus promptement que faire ce pourra, ad ce qu'il n'en advienne aucun inconve­nient ou faulte.
Aussy, a esté ordonné que les valides seront en--voyez à la porte de Montmartre pour porter le sable necessaire pour paver à icelle porte par le paveur de lad. Ville, auquel est or.donné et enjoinct ce faire en dilligence.
(l) Guy Richard, dit Brusquet, était l'un des laquais du corps de la Reine Mère.
'!) Ces lettres sont imprimées, d'après notre registre, dans le recueil des Lettres de Catherine de Médicis (t. 11, p. 206), où se trouve une lettre adressée, le même jour, par la Reine au maréchal de Montmorency, qu'elle loue -d'avoir ainsy dextrement retiré dedans la Bastille les armes à feu qui estoyent dedans la maison de Viller, l'invitant à faire estimer ces armes, conformément au désir du Roi, pour donner ordre au payement. Cette opération excita, parait - il, un vif mécontentement dans la bourgeoisie parisienne; c'est ce qui ressort d'une autre lettre au même personnage, en date du 31 juillet, dans laquelle Catherine de Médicis s'exprimait en ces termes: b Voyant que l'ons ha mis les armes en la Bastille et que seulx de la ville n'an sont guieres contamps, j'euse bien desiré que le sieur de La Chappelle des Ursins set feut comporté davent le peuple plus modestement v, lors de son altercation avec le chevalier du guet, car, ajoutait la Reine, it nous n'avons besouin de rien aygrir, veu que tout va en pays jeuques icy». (Lettres de Catherine de Médicis, t.'11, p. 209.)